Ut kapelke van Genuue, beej iddere venlonaer bekind, is de plaats waor De maag Maria weurd bemind, maar van hoeger hand door de bisschop In Remund, zoe ging det in die roomse dage, waord Maria sterre der zee In Venlo rond gedraage, maar de venlose luuj zien altied met eur leef en Leid nao os kapelke gegaon. Dae innige band blief altied bestaon.

Met moderdaag waord met de Hermenie nao ut kapelke gegaon, waor boete in ut processiepark de heilige mis waord gedaon. Der waorte korale Gespeuld, maar wae kint ut anders verzinne, auk leedjes zoe as Maria te minne. Nao de mis ging me  naor Ons Buite en onder de klanke van zo’ n toet  beer en det waas genne grap, word veur ein debbeltje  ein glaas beer getap . In de laup van de morge waord me beej ut ziekehoes  verwach en waord op gepaste meneer beej elke aafdeiling ein serenaatje gebrach. Ut ware daag die Veural beej de aldere leeje as sterkes gaon blinke um der dan met veul plezeer Aan truuk te dinke.